Тергөөнүн оперативдик тобу окуя болгон жерге чыгып, 12-январда белгисиз адамдар А. Ж. аттуу жарандын жашы жете элек уулуна "Ак-Ордо" конушундагы үйүнүн алдында кол салганын аныкташкан.
Алдын ала медициналык маалыматтарга ылайык, өспүрүмдүн сол колунда, белинде жана жамбашында көптөгөн кесилген жаракаттар диагнозу коюлган.
Окуяга байланыштуу Ленин районунун Ички иштер башкармалыгы тергөө кызматы КРнын Кылмыш-жаза кодексинин 280-беренеси "Хулигандык" боюнча кылмыш ишин козгоду. Тергөөнү улантуу үчүн зарыл экспертизалар дайындалды.
Шектүүлөр.
Оперативдик-издөө иш-чараларынын натыйжасында шектүүлөр - И. А. жана Т. Т., экөө тең 2003-жылы туулган, аныкталып, кармалды. Алар тергөө кызматына жеткирилген, андан кийин КРнын УПКсынын 96-беренесине ылайык Бишкек ШИИБинин убактылуу кармоо жайына жайгаштырылды. Тергөөнүн жүрүшү уланууда.
