МВД мурдагы депутат Аккула Бердиевди кармады

Кыргызстандын Ички иштер министрлигинде ири өлчөмдөгү алдамчылык боюнча тергөө башталды. Бул иш-чаралардын жүрүшүндө мурдагы депутат Аккула Бердиев кармалды.

Алдын ала маалыматтар боюнча, 2022-жылы Бердиев алдамчылык жолу менен акча каражаттарын ээлеп, андан кийин жеке кызыкчылыктарында колдонгон.

Ошондой эле, мурда Бердиевдин жубайынан үй-бүлөлүк зомбулук боюнча укук коргоо органдарына арыздар түшкөнү маалым. Бул арыздар катталып, мыйзамга ылайык каралууда.

Тергөө иштери уланууда.