Коомдук коопсуздук органдарынын маалыматы боюнча, окуя 2026-жылдын 9-январында саат 16:30 чамасында болгон. Дежурдук бөлүмгө белгисиз адамдын Жайыл районундагы Батыш гараждарынан 08КG524 номерлүү кызыл «Volkswagen Golf-2» унаасын уурдап кеткендиги тууралуу сигнал түшкөн.
Бул боюнча бардык патрулдар уурдап кеткен адамды издөө үчүн багытталган. Жайыл РОВДсынын кызматкерлеринин жана жол кыймылынын коопсуздугун камсыздоо боюнча атайын бөлүмдүн ыкчам аракеттеринин аркасында шектүү, 35 жаштагы А. А. Б. аттуу жаран, тез арада кармалды.
Кармалган адам Жайыл РОВДсынын тергөө органдарына тергөө иштерин улантуу жана зарыл чараларды көрүү үчүн өткөрүлдү.
