Казакстанга болгон жумушчу сапарынын алкагында Кыргыз Республикасынын Министрлер кабинетинин төрагасы Адылбек Касымалиев Евразия өкмөттөр аралык кеңешинин жыйынына катышты. Өкмөттүн маалыматы боюнча, иш-чаранын башталышында тосуп алуу жана биргелешкен сүрөткө түшүү салтанаттары өттү.
Экономикалык интеграцияны тереңдетүү жана Евразия экономикалык биримдигинин (ЕАЭБ) алкагында көп тараптуу кызматташтыкты кеңейтүү боюнча негизги маселелер талкууланды.
Жыйында ЕАЭБге катышкан өлкөлөрдүн өкмөт башчылары, анын ичинде Беларусь Республикасынын премьер-министри Александр Турчин, Казакстандын премьер-министри Олжас Бектенов, Россиянын өкмөт башчысы Михаил Мишустин, Армениянын вице-премьер-министри Мгер Григорян, ошондой эле Евразия экономикалык комиссиясынын коллегиясынын төрагасы Бакытжан Сагинтаев катышты.
Евразия өкмөттөр аралык кеңешинин кеңейтилген жыйыны 27-мартта уланат жана ондон ашык маселени карап чыгуу пландаштырылууда.
