КР ГКНБ жана «ОАО Кыргыз почтасы» контролдук-ревизиялык башкармалыгынын биргелешкен ишинин жүрүшүндө мамлекеттик мекемелерде бюджеттик каражаттарды мыйзамсыз пайдалануу фактысы аныкталды.
Тергөөдө белгилүү болгондой, «Кыргыз почтасы» ОАО Сокулук филиалынын мурдагы башкы бухгалтери, «И.В.Б.» деген ат менен белгилүү, 2025-жылдын августунан 2026-жылдын январьына чейин кызматтык абалын пайдаланып, акчаны өзүнүн жеке банк эсептерине которуп турган.
Бул аракеттен келтирилген жалпы зыян 15 миллион сомду түздү. «И.В.Б.» тарабынан уурдалган каражаттын бир бөлүгү жеке муктаждыктарга, анын ичинде Ысык-Көл облусундагы курорттук аймакта жылжымай турган мүлк сатып алууга жумшалган.
Бул иш боюнча КР кылмыш кодексинин 337-беренесинин 3-бөлүмүндө каралган кылмыш белгилери боюнча кылмыш иши козголду.
Учурда бардык жагдайларды аныктоо жана келтирилген зыянды кайтаруу боюнча чараларды көрүү максатында тергөө жана оперативдик иш-чаралар жүргүзүлүүдө.
«Кыргыз почтасы» Сокулук филиалынын мурдагы башкы бухгалтери бюджеттик акчаларды мыйзамсыз өз эсебине которуп жаткандыгы тууралуу маалымат биринчи жолу K-News сайтында жарыяланды.
