Кыргыз Республикасынын Министрлер кабинетинде майыптар маселелери боюнча Кеңештин жыйыны өттү.
Эдиль Байсаловдун жетекчилиги менен өткөн иш-чарада Кеңештин мүчөлөрү жана ар кандай мамлекеттик органдардын, ошондой эле эл аралык жана бейөкмөт уюмдардын өкүлдөрү катышты.
Жыйында майып балдарга байланыштуу иш-чаралар боюнча отчеттор, ошондой эле майыптыкты алдын алуу боюнча чаралар, анын ичинде скрининг методун жайылтуу жана бул тармактагы көйгөйлөр талкууланды. Ошондой эле, өзгөчө билим берүү муктаждыктары бар балдар үчүн инклюзивдик билим берүүнү өнүктүрүү темасы көтөрүлдү.
Мындан тышкары, катышуучуларга 2026-2030-жылдарга психофизикалык өзгөчөлүктөрү бар адамдарды психологиялык-медициналык-педагогикалык колдоо шарттарын түзүү программасын ишке ашыруу боюнча иш-чаралар планынын долбоору сунушталды, ал талкууланды.
Эдиль Байсалов жыйналыштын маанилүүлүгүн белгилеп, күн тартибинде өзгөчө муктаждыктары бар балдардын укуктарын камсыз кылуу жана жашоо сапатын жакшыртуу маселеси турганын айтты. «Менталдык өзгөчөлүктөрү бар балдарды убагында диагностикалоо, адистештирилген кызмат көрсөтүүгө жеткиликтүүлүк жана коомго толук интеграциялоо социалдык кызмат гана эмес, мамлекеттин ар бир баланын келечеги алдында милдети. Бул маселелерди чечүү үчүн комплекстүү жакындоо, тыгыз ведомстволор аралык кызматташтык жана бардык региондор үчүн тең мүмкүнчүлүктөрдү түзүү зарыл», – деп баса белгиледи ал.
Жыйналыштын натыйжасында мамлекеттик саясатты ушул тармакта жакшыртуу боюнча сунуштар иштелип чыкты жана кийинки кадамдар аныкталды. ```
