Кенешбековдун белгилөөсү боюнча, аймактардын ириленишинен кийин кызматкерлердин саны кыскарган, ошол эле учурда жумуштун көлөмү жана калктуу пункттардын ортосундагы аралыктар кыйла көбөйгөн, бул кызматтык милдеттерди аткарууга кыйынчылык жаратат.
Ал ошондой эле кээ бир көйгөйлөрдүн чечилип жатканын кошумчалады. Айрыкча, президенттин буйругуна ылайык, 10 миңден ашык калкы бар аймактарда айыл өкмөтүнүн орун басары жана жооптуу катчынын кызматтары бөлүнгөн.
Мындан тышкары, ар бир айыл статусуна ээ болгон калктуу пунктта жаңы айыл башчысынын кызматын киргизүү чечими кабыл алынды.
Жергиликтүү өз алдынча башкаруу органдарынын кызматкерлеринин маянасын көбөйтүү күтүлүүдө. Тийиштүү чечимдер биринчи жарым жылдыктын жыйынтыгы менен кабыл алынат деп пландаштырылууда.
Реформадан кийин пайда болгон көйгөйлөр Министрлер Кабинетине жана тиешелүү мамлекеттик органдарга арыздануу үчүн өткөрүлүп берилет, деп кошумчалады Кенешбеков.
