Иш-чара 2026-жылдын 26-27-мартында Шымкентте өтөт. Министрликтин ЕАЭБ координациясы боюнча башкармалыгынын башчысы Элимбек Каныбек уулу Кыргыз Республикасынын кызыкчылыктарына байланыштуу негизги чечимдерди билдирип өттү.
Ал күн тартибинде ЕАЭБ алкагында кооперативдик долбоорлорго катышуучуларды тандоо боюнча жобону талкуулоо маселеси турганын белгиледи. Учурда мындай демилгелер үчүн жеңилдетилген насыялоо механизмдеринин пайыздык ставкаларын субсидиялоо механизми иштеп жатат.
«Кыргызстан үчүн өзгөчө тандоо критерийлери иштелип чыгат. Экономикалык өнүгүү деңгээлин эске алганда, биздин мүмкүнчүлүктөр да айырмаланат. Ар кандай механизмдер үчүн ар кандай нормалар талап кылынат. Биз башка мамлекеттердин бул маселени түшүнүшүнө жетиштик», — деп кошумчалады Элимбек Каныбек уулу.
Мындан тышкары, ал жыйында Кыргызстан үчүн жөнөкөйлөтүлгөн критерийлерди түзүү боюнча тапшырма даярдалып жатканын билдирди.
ЕАЭБ өлкөлөрүнүн өндүрүүчүлөрүнө финансылык колдоо көрсөтүү механизми, биргелешкен долбоорлорду ишке ашыруу үчүн финансылык мекемелер тарабынан берилген насыялар жана займдар боюнча пайыздык ставкаларды субсидиялоону камтыйт, бул ЕАЭБдин бюджетинен каржыланат. «Бул механизмге катышуу ишканаларга насыялоо ставкаларын 23%дан 6,5%га чейин төмөндөтүүгө мүмкүндүк берет», — деп белгиледи ЕЭК министри.
