Министрдин орун басары Асель Раимкулова абанын сапатын жакшыртуу, калдыктарды башкаруу, техникалык базаны модернизациялоо, Ысык-Көлдүн экологиясын коргоо жана геологиялык изилдөө жана кен казып алуучу компанияларды лицензиялоо боюнча жүргүзүлүп жаткан чараларга көңүл бурду.
Талкуу учурунда депутат Нилуфар Алимжанова кен казуу тармагындагы калдыктар жайгашкан аймактарда ичүүчү суунун сапатын мониторинг жүргүзүү боюнча маанилүү маселени көтөрдү жана бул ишканаларды лицензиялоодо ачыктыкты жогорулатуу зарылдыгын белгиледи.
Мындан тышкары, депутат Айбек Алтынбеков Жалал-Абад облусунун Базар-Коргон районундагы Дашман мамлекеттик табигый коругунда мыйзамсыз курулуштар тууралуу маалымдады жана бул регионго табигый парк статусун ыйгаруу процессин тездетүүнү сунуштады.
