Ал Кыргызстандын экономикасында аялдардын өсүп жаткан маанисин баса белгилеген Улуттук статистика комитетинин маалыматын бөлүштү:
- Мамлекеттеги кичи жана орто бизнесинин болжол менен 20% аялдардын башкаруусунда.
- Аялдар билим берүү, санариптик технологиялар, өндүрүш жана соода тармактарында лидерлик позицияларды ээлешет.
Касымалиев ошондой эле гендердик теңдикке жетүүгө багытталган мамлекеттин стратегиялык демилгелерин эске салды. 2026-жылдын 20-февралында кол коюлган Кыргыз Республикасынын Президентинин жарлыгы мамлекеттик башкаруу системасында жаңы стандарттарды орнотуудагы негизги кадамдардын бири болду.
«Биз теориядан практикага өтүп жатабыз. Президенттин жаңы жарлыгына ылайык, 2027-жылга чейин аялдардын кеминде 30% жетекчилик кызматтар үчүн кадрдык резервге киргизилиши керек, ал эми 2030-жылга чейин мамлекеттик жана муниципалдык мекемелерде бардык жетекчилик кызматтарда аялдардын 30% өкүлчүлүгүнө жетүүнү максат кылып жатабыз», - деди Адылбек Касымалиев.
