«Дестинация Каракол» коомдук бирикмеси Travelife Certified эл аралык сертификатын алды, бул анын туруктуу туризм системасына талаптарына жооп берерин тастыктайт.
Кыргыз Республикасынын Экономика жана соода министрлигинен алынган маалыматка ылайык, сыйлык 4-мартта Берлинде ITB Berlin 2026 көргөзмөсүнүн алкагында тапшырылган.
Ведомствонун маалыматына ылайык, Travelife Certified сертификатын алуу үчүн экологиялык жоопкерчилик, жергиликтүү коомдорду колдоо, маданий мурастарды сактоо, адам укуктарын сактоо жана туристтик кызматтарды башкарууда туруктуу ыкмаларды колдонуу сыяктуу 200дөн ашык критерийлерди аткаруу талап кылынат.
Бул сертификат Каракол жана Ысык-Көл аймагы үчүн туруктуу туризм тармагында маанилүү жетишкендик болуп саналат, ошондой эле жергиликтүү уюмдардын аракеттеринин эл аралык таанылышын тастыктайт.
«Бул окуя Кыргызстандын экологиялык туруктуу туристтик багыт катары имиджин бекемдейт жана туризм тармагында эл аралык өнөктөштөр менен кызматташууга жаңы горизонтторду ачат», - деп белгиленет расмий билдирүүдө.
