3-марттан 4-мартка чейин Берлинде ITB Berlin-2026 эл аралык көргөзмөсү өтүүдө.
Кыргыз Республикасынын стендинин расмий ачылышы Германиядагы Кыргызстан элчиси Омурбек Текебаев, Туризм департаментинин директору Эрденет Касымов жана Туризмди өнүктүрүү фондунун жетекчиси Адилет Джанузаков сыяктуу бир катар жогорку даражадагы коноктордун катышуусунда болду.
Стендде 11 туристтик компания, 4 багыт жана Туроператорлор ассоциациясы (КАТО) көрсөтүлгөн. Көргөзмөнүн алкагында туристтик мүмкүнчүлүктөрдү баса белгилеген B2B жолугушуулар жана презентациялар пландалган. Дүйнөлүк көчмөндөр оюндары жана Ч. Айтматов атындагы эл аралык Ысык-Көл форумун илгерилетүүгө өзгөчө көңүл бурулду.
Кыргызстандын ITB Berlin-2026га катышуусу улуттук туристтик продуктуну көрсөтүүгө, эл аралык кызматташтыкты өнүктүрүүгө жана өлкөнүн глобалдык туристтик рыноктогу позицияларын бекемдөөгө багытталган.
ITB Berlin туризм тармагында эң алдыңкы эл аралык платформалардын бири болуп эсептелет.
