Мамлекеттик улуттук коопсуздук комитети (МУКК) Жогорку Кенештин депутаты Уланбек Жаанбаевдин Кыргызстанга акча алып кирүүдө жарандар туш болгон кыйынчылыктар тууралуу жакында айткан билдирүүлөрүнө жооп берди.
Акча каражаттарын мамлекеттик чек ара аркылуу өткөрүү контролю Кыргыз Республикасынын күчүндө болгон мыйзамдары жана өлкөнүн эл аралык милдеттенмелери чегинде катуу жүргүзүлөт. Бул чаралар финансылык коопсуздукту камсыз кылууга жана мыйзамсыз финансылык операцияларга каршы күрөшүүгө багытталган, деп айтылат атайын кызматтын билдирүүсүндө.
Жогорку Кенештин депутаты Уланбек Жаанбаев Россиядан Кыргызстанга наличный акча алып кирүүдө көйгөйлөр бар экенин билдирди. Анын айтымында, ишкерлер Бишкек жана Ош аэропортторунда акчалардын кечигүүсүнө туш болушууда.
4-мартта парламенттин жыйынында сүйлөп жатып, депутат МУККнын тиешелүү бөлүмүнүн кызматкерлери ишкерлердин өлкөгө алып кирүүгө аракет кылган акча каражаттарын токтотуп жатканын билдирди. Жаанбаев бул боюнча кеминде эки кайрылуу келип түшкөнүн белгиледи. Ал акча каражаттарын эркин алып кирүүгө мүмкүнчүлүк түзүүнү жана бизнес үчүн тоскоолдук жаратпоону сунуштады.
МУККнын Жаанбаевдин билдирүүлөрүнө болгон реакциясы тууралуу маалымат биринчи жолу бул жерде жарыяланды.
