Переговорлордун учурунда агроөнөржай сектору, өнөржай, эркин сооданы камсыз кылуу боюнча чаралар, ошондой эле транспорт жана инфраструктура маселелери боюнча ар кандай кызматташуу багыттары талкууланды.
ЕАЭБ жана Кубанын өкүлдөрү бизнес коомчулуктарынын ортосундагы байланыштарды чыңдоонун маанилүүлүгүн белгилешти, бул болсо биргелешкен долбоорлорду ишке ашырууга көмөктөшөт.
«Куба тарап «Мариэль» атайын өнүктүрүү зонасынын инфраструктурасын логистикалык борбор катары пайдаланууга кызыкдар экенин билдирди, бул ЕАЭБге мүчө мамлекеттер менен Латин Америкасы жана Кариб бассейни өлкөлөрүнүн ортосундагы соода көлөмүн арттырууга жаңы мүмкүнчүлүктөрдү ачат», - деп билдиришти ЕЭКте.
Мындан тышкары, Иманалиев ЕЭК менен Куба Республикасынын Өкмөтүнүн 2026 – 2030 жылдарга карата биргелешкен иш-чаралар планынын долбоору жогорку даярдык стадиясында экенин белгиледи.
