Өкмөттүн жана регионалдык өкүлчүлүктөрдүн кадрдык курамындагы алмашуулар мамлекеттик башкаруу системасын жаңылоонун зарылдыгын көрсөтүп турат. Бул пикирди мамлекеттик башкаруу боюнча эксперт Улугбек Ерешеев билдирүүдө.
Ал айрым министрликтерде облустук структуралар менен ири шаарлардын мэрияларынын ортосундагы координация жана өз ара аракеттенүү боюнча көйгөйлөр бар экенин белгилейт.
«Жакында бир нече министрликтерде жана регионалдык өкүлчүлүктөрдө болгон кадрдык өзгөрүүлөр, транспорттук жана логистикалык өнүгүүгө байланыштуу бир катар негизги долбоорлордун көп учурда стагнация абалында болушу менен шартталган. Айрым ведомстволордо макулдашуу системасы ашыкча бюрократиялашып, натыйжасыз бойдон калууда. Ири өнүктүрүү долбоорлорунун контекстинде мамлекеттик структуралар арасында так координация жана өз ара аракеттенүү жок экенин белгилөө маанилүү. Мындай чиновниктердин инерттүүлүгүндө өлкө алдында турган маанилүү милдеттерди натыйжалуу чечүү тобокелдиги бар.
Биз трансконтиненталдык темир жолду куруу, транспорттук-логистикалык инфраструктураны өнүктүрүү боюнча маселелерди тез арада чечүү жана «Камбара-Ата - 1» ГЭСин куруу менен алектенүүбүз керектигин эске алуу зарыл. Мамлекеттик башкаруу системасы ийкемдүү, натыйжалуу жана көп функциялуу болушу керек, бирок, тилекке каршы, айрым чиновниктер жаңы шарттарга ылайыкташууга мүмкүнчүлүк алышкан жок. Жаңы экономикалык өнүгүү деңгээлине өтүүдө аракеттердеги синхрондоштуруунун жоктугу кабыл алынгыс. Ошондуктан бул кадрдык чечимдер кабыл алынды», - деп жыйынтыктады Улугбек Ерешеев.
