Анын айтымында, өлкөгө темир жол транспорту аркылуу кирген бардык отун маркировка процедурасынан өтөт. «Бул жөн гана белгилөө эмес — ал продуктунун оригиналдуулугун тастыктап турат», — деп белгиледи Акматов.
Ал ошондой эле маркировка жарандар үчүн коопсуздуктун кепилдиги экенин кошумчалады: «Ал отундун акыркы керектөөчүнө сатылганга чейин сакталуусун камсыздайт жана уруксаты жок кошулмалардын кошулушун алдын алат. Эгер отун аралашууга дуушар болсо, ал маркировкасыз жана, демек, мыйзамсыз деп эсептелет».
Мындан тышкары, Акматовдун айтымында, маркировка мамлекеттик көзөмөлдүн маанилүү куралы болуп саналат. «Бул система аркылуу биз салык жыйнап, отундун мыйзамдуу көлөмдөрүн көзөмөлдөй алабыз», — деп жыйынтыктады ал.
