Бишкекте Кыргызстандын Маданият, маалымат жана жаштар саясаты министрлиги НТРК менен кызматташып уюштурган Аrt Dialog форуму өттү.
Ачык талкуу учурунда министр жана музыкалык-эстрада тармагынын өкүлдөрү катышып, тармактын абалы жана өнүгүү келечеги боюнча актуалдуу маселелер талкууланды. Ведомство билдиргендей, катышуучулардын бардык сунуштары жана пикирлери протоколго жазылып, чечим кабыл алууда эске алынат.
Талкууда инфраструктураны жаңылоо, кесиптик билим берүүнү реформалоо, концерттик жайларды кеңейтүү, автордук укуктарды коргоо жана жаш аткаруучуларды колдоо сыяктуу маанилүү темалар козголду.
«Аrt Dialog - бул жөн гана жолугушуу эмес, тажрыйба жана идеялар алмашуу, чыгармачылык багыттарды талкуулоо жана жаңы демилгелерди стимулдаштыруу үчүн конструктивдүү платформа», - деп белгиледи министр Мирбек Мамбеталиев. ```
