Уметалиев ошондой эле аялдардын ишкердигин жана тигүү тармагын колдоого өзгөчө көңүл бурулаарын белгиледи.
Пайыздык ставканы субсидиялоону камтыган жеңилдетилген кредит берүү программасынын алкагында 3,7 миллиард сом бөлүнгөн. Мында бул сумманын 30-40% аял ишкерлерди колдоого, ал эми 60% региондорду өнүктүрүүгө жумшалууга тийиш.
Мындан тышкары, экспорт менен алектенген ишкерлер Экономика министрлигинин алдындагы «Кыргыз Экспорт» борборунан жардам алышат. Бул борбор документтерди даярдоо боюнча кеңештерди берет, жергиликтүү компанияларды эл аралык көргөзмөлөргө жана форумдарга катыштырууну уюштурат, ошондой эле чет өлкөгө сапарлардын чыгымдарын жарым-жартылай калыбына келтирет.
