Бул токтомдун негизги максаты — жер казынасын пайдалануу укугун берүү боюнча аукциондорду өткөрүү менен байланышкан коррупциялык тобокелдиктерди азайтуу.
Убакыттуу жобого ылайык, аукциондун катышуучулары, уюштуруучу жана техникалык оператор арасында өз ара аракеттенүү расмий электрондук аукцион порталы аркылуу жүргүзүлөт. Документтер электрондук форматта, анын ичинде кагаз документтердин сканерленген көчүрмөлөрү жана электрондук сандык кол тамга (ЭСК) менен кол коюлган документтер берилет.
Жер казынасын пайдалануу укугу аукциондун уюштуруучусу тарабынан жыл сайын түзүлүп жана бекитилген жер казынасы участкаларынын негизинде электрондук аукциондор аркылуу берилет.
Табигый ресурстар, экология жана техникалык көзөмөл министрлигине тапшырылды:
- бул токтомдун күчүнө кирген күнүнөн 30-сентябрга чейин жер казынасын пайдалануу укугун алуу боюнча электрондук аукциондорду өткөрүү боюнча пилоттук долбоорду ишке ашыруу.
Токтом расмий жарыяланган күндөн 15 күн өткөндөн кийин күчүнө кирет.
