Ал ошондой эле 2025-жылы жалпы кубаттуулугу 44,6 МВт болгон 8 кичи ГЭСтин курулушу аяктаганын, ал эми Кемин районунда 100 МВт кубаттуулуктагы күн электр станциясы пайдаланууга берилгенин белгиледи.
Мындан тышкары, энергетикалык объектилердин жалпы кубаттуулугу 213,6 МВтка көбөйдү, анын ичинде Кыргызстан менен Тажикстанды байланыштырган CASA-1000 электр өткөргүч линиясынын пайдаланууга берилүүсү бар.
Учурда Камбар-Атын ГЭС-2нин экинчи агрегатын 120 МВт кубаттуулукта ишке киргизүү боюнча иштер активдүү улантылууда.
Ошондой эле Казарман ГЭСтеринин каскадын 912 МВт жалпы кубаттуулукта жана Суусамыр-Кокомерен каскадын 1 305 МВт кубаттуулукта куруу боюнча инвесторлор аныкталып, келишимдерге кол коюлган.
Кара-Кечеде 1 200 МВт кубаттуулуктагы жылуулук электр станциясын, ошондой эле жалпы кубаттуулугу 5 450 МВттан ашкан бир катар күн жана шамал электр станцияларын куруу пландалууда.
