Минтранс бул кеңешти түзүү боюнча демилгени көтөрүүдө, ал ички жүк ташуучулардын кызыкчылыктарын коргоо жана эл аралык кызматташтык чөйрөсүндө чечимдерди кабыл алууда алардын пикирлерин эске алуу үчүн маанилүү инструмент болот.
«Бул демилгенин негизги максаты улуттук жүк ташуучуларды өнүктүрүүгө шарттарды түзүү болуп саналат. Талкуулоолордун жүрүшүндө кыргыз жүк ташуучулары эл аралык жүк ташуу чөйрөсүндө туш болгон маселелер көтөрүлдү, ошондой эле алардын эл аралык аренада сунуштарын бириктирүү үчүн мүмкүн болгон жолдор талкууланды», - деп айтылат пресс-релизде.
Бизнес коомчулугунун өкүлдөрү Бизнес кеңешти түзүүгө кызыктар экендиктерин билдиришти жана актуалдуу маселелерди талкуулоо жана биргелешкен чечимдерди иштеп чыгуу үчүн туруктуу платформа болушунун маанилүүлүгүн белгилешти.
Мындай кеңештин түзүлүшү мамлекет менен бизнес ортосундагы өз ара аракеттенүүнү жакшыртууга, административдик тоскоолдуктарды азайтууга жана улуттук транспорттук компаниялардын рыноктогу позицияларын бекемдөөгө маанилүү кадам болот.
