Евразия өнүктүрүү банкы тарабынан берилген маалыматка ылайык, программа алты негизги багытты камтыйт:
- Каржылык механизмдер: жеңилдетилген насыяларды берүү, кепилдиктерди киргизүү жана инвестицияларды тартуу.
- Регионалдык өнүгүү жана экспорт: жергиликтүү инициативаларды колдоо, региондордун адистешүүсү жана айыл чарба менен кайра иштетүү өнөр жайында кошумча баалуулуктарды түзүү, ошондой эле кыргызстандык өндүрүүчүлөргө эл аралык рынокторго чыгууга жардам берүү.
- Цифрлаштыруу: бизнес үчүн мамлекеттик кызматтарга жана онлайн-консультацияларга жетүүнү жакшыртуу максатында «МСП Хаб» платформасын түзүү.
- Юридикалык колдоо: административдик тоскоолдуктарды азайтуу, нормативдик жөнгө салууну жеңилдетүү жана жеке менчикти коргоону камсыз кылуу.
- Инновациялар жана креативдүү сектор: аялдардын ишкердигин, жаштардын стартаптарын жана креативдүү экономиканы колдоо.
Иштеп чыгуучулардын билдирүүсүнө ылайык, документтин акыркы версиясында бизнес өкүлдөрүнөн келген сунуштар эске алынат, бул программага натыйжалуу болууга жардам берет. Толук маалыматты документтин акыркы текстинен табууга болот.
