Энергетика министри Таалайбек Ибраев 2026-жылдын 1-майынан баштап электр энергиясынын тарифи 1,64 сомду түзөрүн жана 2030-жылга чейин 3,40 сомго чейин жогорулаарын маалымдады.
Мындан тышкары, ушул жылдын 1-майынан баштап коммерциялык керектөөчүлөр үчүн түнкү тариф киргизилет, ал күндүзгү тарифтен 25% төмөн болот.
Министрдин айтымында, тарифтерди акырындык менен жогорулатуу электр энергиясын импорттоонун өсүп жаткан чыгымдарын жабуу, ошондой эле инфраструктураны модернизациялоо жана Камбар-Ата-1 ГЭСи менен жаңылануучу энергия булактары боюнча долбоорлорду куруу үчүн зарыл.
Жыйында ошондой эле Энергетика министрлигинин учурдагы жетишкендиктери жана секторду андан ары өнүктүрүү пландары талкууланды.
