2026-жылдын 1-январына карата катталган транспорт каражаттарынын структурасы төмөнкүдөй:
- 972 252 — бензиндүү автоунаалар (51%)
- 57 310 — газдуу автоунаалар (3%)
- 339 938 — дизелдүү автоунаалар (18%)
- 56 997 — газ-бензин системасы бар автоунаалар (3%)
- 37 295 — гибриддүү автоунаалар (2%)
- Калган бөлүгү — башка түрдөгү транспорт
Катталган автоунаалардын арасында электромобильдер жалпы санынан 0,8% түзөт. Соңку жылдары алардын санынын туруктуу өсүшү байкалууда:
- 2022-жыл — 1 113 электромобиль
- 2023-жыл — 2 310 электромобиль
- 2024-жыл — 3 122 электромобиль
- 2025-жыл — 9 870 электромобиль
Мындан тышкары, 2025-жылы 5 жашка чейинки автоунаалардын үлүшүнүн өсүшү байкалууда: эгер 2024-жылы бул көрсөткүч 1,5% болсо, 2025-жылы ал катталган транспорт каражаттарынын жалпы санынын 4,5% га жетти.
Учурда Бишкекте Улуттук инвестициялык фонд менен биргеликте «Жашыл такси» долбоорун ишке ашыруу пландалууда. Учурда анын ишке ашыруу механизмдери жана потенциалдуу мүмкүнчүлүктөрү талкууланууда.
Баш калаада электромобильдерди заряддоо үчүн 100дөн ашык станция орнотулган, бул экологиялык таза транспорт үчүн инфраструктуранын өнүгүшүнө жана жолдордо электромобильдердин санын көбөйтүүгө жардам берет.
Экологиялык таза транспортту өнүктүрүү айлана-чөйрөнү коргоо, абанын сапатын жакшыртуу жана шаарлардын туруктуу өнүгүүсүн камсыз кылуу үчүн маанилүү кадам болуп саналат. Бул тармакта иштер системалуу негизде улантылат.
