Проектти ишке ашыруу 2026-жылдын апрель айына пландалууда, энергетикалык инфраструктураны модернизациялоо алкагында, Энергетика министрлиги тарабынан жүргүзүлүүдө.
Бул проекттин алкагында төмөнкүлөр каралган:
- 10 МВА кубаттуулуктагы экинчи күч трансформаторун орнотуу;
- 110 кВ элегаздык ажыраткычты монтаждоо;
- 10 вакуумдук ажыраткычтары менен 10 кВ сыртка орнотулган комплекттүү бөлүштүрүүчү түзүлүштү (КРУН) орнотуу.
Учурда подстанцияда 16 МВА кубаттуулуктагы бир күч трансформатору иштеп жатат. Жаңы жабдуулар орнотулгандан кийин подстанциянын жалпы кубаттуулугу 26 МВА га чейин жогорулайт, деп маалымдалууда.
Ишканадан билдиришкендей, акыркы жылдары керектөөчүлөрдүн саны өсүүдө. Эгер 2023-жылы подстанция 4400 абонентти тейлесе, азыр алардын саны 4625ке жетти.
Проекттин каржыланышы «Кыргызстандын Улуттук электр тармагы» акционердик коомунун өз каражаттарынын эсебинен жүргүзүлөт.
