Документке ылайык, 2023-жылдын 1-декабрына чейин бардык курулуш иштеринин 25% аякталат жана жолдун узундугу 104,6–197,6 км болгон бөлүгүндө 20 километр асфальтбетон жабындысы төшөлөт.
Аткаруу милдеттери Транспорт жана байланыш министрлигине жүктөлгөн, ал эми каржылоо өнүктүрүү боюнча өнөктөштөрдөн тартылган каражаттардын эсебинен жүргүзүлөт.
Маалымат:
Реконструкциялануучу бөлүктүн узундугу 93 км жана Талас шаарынан башталып, «Кичи-Капка» өткөрмө пунктуна чейин жетет. Курулуш иштеринин 2025-2028-жылдар аралыгында аякталышы күтүлүүдө, долбоорго 5 жылдык кепилдик берилет.
Долбоордун алкагында алты көпүрөнү реконструкциялоо, бир жер алдындагы өтмөктү куруу, ошондой эле айылдарда тротуарларды жана көчө жарыгын орнотуу пландалууда. Жолдун классификациясы IIIтөн IIге көтөрүлөт.
