Өткөн жыйында Жогорку Кенештин депутаттары Жумгалбек Шабданбековдун Улуттук коопсуздук мамлекеттик комитетинин жетекчилигине талапкерлигин бир добуштан колдошту.
Президенттин жана министрлер кабинетинин парламенттеги өкүлү Бектур Зулпиев берген маалыматка ылайык, Жумгалбек Кумарович Шабданбеков 1970-жылы Нарын облусунун Жумгал районундагы Чаек айылында төрөлгөн. Ал 1991-жылы Ж.Баласагын атындагы Кыргыз улуттук университетинин экономика факультетин аяктаган жогорку билимге ээ, ал эми 2022-жылдан тартып генерал-майор наамын алып жүрөт. Өзүнүн карьерасын 1991-жылы Талас облусунун салык инспекциясында улук инспектор болуп баштаган, 1994-жылдан бери Улуттук коопсуздук мамлекеттик комитетинде, Мамлекеттик күзөт кызматында, Антитеррордук борбордо, контрразведкада, Р-башкармасында жана АКСте ар кандай жооптуу кызматтарды ээлеп келген, ошондой эле 9- кызматты жетектеген.
