Туризм секторунун өкүлдөрү 20-февралда Кыргыз Республикасынын «Туризмди өнүктүрүү фондунун» жетекчилиги менен жолугушууга катышуу мүмкүнчүлүгүнө ээ болушат. Фонддон алынган маалыматка ылайык, жолугушуу 15:00дө башталып, Кыргыз Республикасынын Экономика жана коммерция министрлигинин залында өтөт. Иш-чаранын негизги максаты конструктивдүү диалог түзүү жана туристтик индустрияны өнүктүрүүгө байланыштуу актуалдуу маселелерди талкуулоо, ошондой эле бул тармактагы ишкерлерди колдоо жана өз ара аракеттенүү мүмкүнчүлүктөрүн карап чыгуу.
Жолугушуунун программасынын алкагында төмөнкү иш-чаралар пландалган:
* Фонддун иши жана анын приоритеттүү багыттары боюнча презентация;
* Тармакка байланыштуу актуалдуу маселелерди талкуулоо;
- Туризм коомчулугунун өкүлдөрүнөн суроолор жана сунуштар сессиясы;
* Ишкердик байланыштарды түзүү үчүн формалдуу эмес баарлашуу.
Иш-чарага катышуу үчүн төмөнкү шилтеме аркылуу онлайн форманы толтуруп, алдын ала катталуу зарыл:
https://forms.gle/5oRRNtkN7XYRc7kDA
Бардык кызыкдар тараптар, анын ичинде туроператорлор, турагенттер, мейманканалардын өкүлдөрү, гиддер, транспорттук компаниялар, инвесторлор жана туристтик индустриянын башка катышуучулары чакырылат.
