Башкы прокуратурада жаңы орун басарлар сунушталды.
Ведомствонун маалыматына ылайык, дайындоо президент Садыр Жапаровдун буйругу менен жүргүзүлгөн. Бектурганов Малик Маамыталиевич башкы прокурордун биринчи орун басары болуп дайындалса, Акназаров Залкар Каримжанович башкы прокурордун орун басары кызматын ээлеп калды.
Башкы прокурор Максат Асаналиев жаңы орун басарларга прокуратураны системалуу өнүктүрүү, мыйзамдуулукту сактоо, тартипти жана жоопкерчиликти бекемдөө, ошондой эле кызматкерлердин кесиптик деңгээлин жогорулатуу боюнча маанилүү тапшырмаларды белгиледи. Ал аларга кызматтык ишмердүүлүгүндө ийгилик каалады.
