90 жашында белгилүү француз композитору жана көп аспапта ойноочу Мишель Порталь дүйнөдөн кайтты. Бул тууралуу Франс Пресс агенттиги анын өкүлүнө шилтеме берип билдирет.
Жарияланууда Портальдын Франциядагы заманбап джаздын көрүнүктүү өкүлү экени белгиленет.
Мишель Порталь 1935-жылы Франциянын түштүгүндөгү Байонна шаарында төрөлгөн жана француз джаз сахнасындагы эң таанымал инсандардын бири болуп калды. Ал Париж консерваториясында дирижерлук жана классикалык кларнетти үйрөнгөн. Өзүнүн музыкалык карьерасында композитор бир нече престиждүү сыйлыктарга ээ болгон, анын ичинде "Victoires de la Musique" сыйлыктарынын бир нечеси.
1975-жылдан баштап Порталь кинофильмдер үчүн музыка жаратууга киришкен. Ал үч жолу "Сезар" сыйлыгына ээ болгон: 1983-жылы "Мартен Герранын кайтып келиши" фильми үчүн, 1985-жылы "Штормдун атчылары" картинасында жана 1988-жылы "Ар-намыс талаасы" лентасы үчүн.
