Жыйында транспорттук байланыштарды өнүктүрүү, логистикалык коридорлорду жакшыртуу, транспорттук тоскоолдуктарды минималдаштыруу жана бул тармакта санариптик технологияларды колдонуу сыяктуу негизги маселелер талкууланды.
Өз сөзүндө министр өлкө үчүн маанилүү долбоорго — Кытай—Кыргызстан—Узбекистан темир жолу долбооруна көңүл бурду, анын бир нече аспектилерин белгилеп өттү.
«Кыргызстан инфраструктуралык долбоорлорду активдүү ишке ашырууда, бул долбоорлор автомобиль жана темир жол секторлорун модернизациялоого, логистикалык борборлорду өнүктүрүүгө жана транзиттик потенциалды жогорулатууга багытталган. Кытай—Кыргызстан—Узбекистан темир жолунун курулушу ушул сыяктуу негизги долбоорлордун бири», — деди ал.
Сыргабаев Кыргызстан транспорт секторун өнүктүрүү боюнча биргелешкен демилгелерге катышууга даяр экенин да белгиледи.
«Бүгүнкү күндө туруктуу жана «жашыл» транспорт маселелери өзгөчө маанилүү болуп жатат. Кыргызстан экологиялык жактан таза транспорт түрлөрүн өнүктүрүүгө жана транспорт инфраструктурасынын айлана-чөйрөгө терс таасирин азайтууга багытталган демилгелерди колдойт», — деп кошумчалады министр.
