Байсалов өзүнүн сөзүндө президенттин айрым жогорку окуу жайларына өзгөчө статус берүү боюнча жарлыгын ишке ашыруу темасын да козгоду, жетишилген жыйынтыктардагы айырмачылыктарды белгиледи.
«Айрым окуу жайлары берилген мүмкүнчүлүктөрдү пайдаланып, маанилүү прогрессти көрсөтүштү. Бирок, дагы да болсо түшүндүрмөлөрдү жана чечимдерди күтүп жаткан окуу жайлар бар. Күтүү мезгили аяктады», – деди ал.
Эдиль Байсалов ошондой эле жакынкы апталарда Президенттин администрациясы жана илим, жогорку билим берүү жана инновациялар министрлиги ылдам модернизациялоо процессин активдүү координациялоону жүргүзө турганын белгиледи. Бул окуу программаларын кайра карап чыгуу, эски дисциплиналарды алып салуу, натыйжасыз багыттарды оптималдаштыруу жана заманбап экономикалык талаптарга жооп берген жаңы курстарды киргизүүнү камтыйт.
Жыйналыштын жыйынтыгы боюнча жогорку билим берүү жана илим системасын реформалоонун негизги багыттары аныкталды, конкреттүү тапшырмалар коюлду жана тиешелүү тапшырмаларды берүү болду. кабыл алынган чечимдердин аткарылышы өзгөчө көзөмөлдө болот.
