Бүгүн, 12-февралда, Бишкекте жаңы автобустар жана атайын техникалардын ачкычтарын тапшыруу аземи өттү. Ага Кыргыз Республикасынын Президентинин администрациясынын жетекчиси жана өкмөт башчысы Адылбек Касымалиев катышты.
Өкмөт тарабынан берилген маалыматка ылайык, мэрияга 95 заманбап автобус жана №1 деподо 42 атайын техника тапшырылды.
Өкмөт башчы: «Бүгүн биз Бишкек мэриясына 95 жаңы автобус жана 42 атайын техниканы тапшырып жатабыз. Бул коомдук транспортту жана шаардык кызматтарды жакшыртууга болгон кадам. Мэриянын приоритети шаарды өнүктүрүү, экологияны жакшыртуу жана жашоочулар үчүн ыңгайлуу шарттарды түзүү болуп саналат. Бул иштердин алкагында 17 миңден ашык дарак отургузулду, жашыл зоналар кеңейтилип, катуу калдыктарды жок кылуу жана электр энергиясын өндүрүү боюнча заманбап экотехнологиялык завод ишке киргизилди.
Ошондой эле шаарда бала бакчалар жана мектептер курулуп, жер астындагы өтмөлөр түзүлдү жана шаар тургундары үчүн коопсуз шарттар камсыздалды. Бул иш-чаралар системалуу жана максаттуу түрдө жүргүзүлүүдө», - деп кошумчалады ал.
Касымалиев муниципалдык ишканалардын техникалык базасын бекемдөө боюнча иштер улантыларын белгиледи. Ал шаардык кызматкерлерди жаңы техниканы жоопкерчилик менен колдонууга жана берилген кызматтардын сапатын жакшыртууга чакырды.
«Ар бир транспорт каражаты жана техника – бул шаар тургундары үчүн ресурс. Устундук менен пайдалануу жана калктын ишеничин актоо – бул сиздердин түз милдетиңиздер», - деп белгиледи ал, жаңы автобустар жана атайын техникалар шаарды өнүктүрүүгө жана муниципалдык кызматтардын ишин жакшыртууга түрткү берет деп кошумчалады.
12 метрлик Youtong автобустары Европа реконструкция жана өнүктүрүү банкынын программасынын алкагында сатып алынганын белгилеп өтүү керек. Бюджеттик каражаттардын эсебинен сатып алынган 42 атайын техниканын арасында авариялык унаалар, самосвалдар, гидрокрандар жана траншейдик виброкаткичтер бар. ```
