МИД башчысы Кулубаев Берлинде Rhenus SE менен темир жол логистикасын өнүктүрүү жана контейнердик хабдарды түзүү маселелерин талкуулады

- 2026-жылдын 10-февралында Берлинде өткөн жолугушууда Жээнбек Кулубаев Rhenus SEнин ыйгарым укуктуу өкүлү Генрих Керстгенс менен транспорттук логистика тармагындагы кызматташуу мүмкүнчүлүктөрүн талкуулады, деп билдирет Тышкы иштер министрлигинин басма сөз кызматы. Тараптар Кыргызстандагы темир жол инфраструктурасын өнүктүрүүгө, ошондой эле заманбап логистикалык жана контейнердик хабдарды түзүүгө көңүл бурушту. Мындан тышкары, Rhenus Logisticsтин инфраструктуралык долбоорлорду ишке ашырууда жана компаниянын Кыргызстандагы базардагы позицияларын бекемдөөгө катышуу мүмкүнчүлүгү каралды.
Маалымат:
Rhenus SE — Германиянын Хольцвиккеде жайгашкан эл аралык логистика тобу. Ал мультимодалдык ташуулар, складдык логистика жана жеткирүү чынжырларын башкаруу тармагында кызмат көрсөтөт жана дүйнөнүн 70тен ашык өлкөсүндө иштейт.

Дагы окуңуз:

КРнын Тышкы иштер министри немис компаниясы менен логистика тармагындагы кызматташтыкты талкуулады

Кыргызстандын Тышкы иштер министри АКШдагы визалар боюнча абал тууралуу айтып берди

Кулубаев - Германиянын Тышкы иштер министрине: Кыргызстанга каршы санкцияларды колдонууга негиз жок

Жээнбек Кулубаев 2026-жылга эл аралык ишмердүүлүктүн приоритеттерин белгиледи