Отчеттук мезгилде 49 аял укуктук коргоо үчүн кайрылышкан, алардын 29у үй-бүлөлүк зомбулук боюнча учурларды билдиришкен. Ошондой эле балдардын укуктарын бузуу боюнча 36 кайрылуу катталган.
Мындан тышкары, 56 жаран Акыйкатчы Жамиля Джаманбаевага алименттерди өндүрүү боюнча жардам сурап кайрылышкан. Көпчүлүгү паспорт жана башка жеке күбөлүктөрдү алуу боюнча жардам сурашкан, ошондой эле дин эркиндигин коргоо боюнча жардам өтүнүшкөн.
12 адам институтка экстрадиция боюнча жардам сурап кайрылышкан.
Ар бир кайрылуу Омбудсмен институтунун ыйгарым укуктарынын алкагында көңүл бурулуп, тиешелүү каралууга алынган, анын ичинде укуктук кеңештер жана мамлекеттик органдарга бузулган укуктарды калыбына келтирүү боюнча расмий суроолор жөнөтүлгөн.
Чет өлкөдө жүргөн мекендештер да институтка кайрылышат. Өткөн жылы Россиядан 14 кайрылуу, Өзбекстандан 8, Казакстандан 2 жана Беларусиядан 1 кайрылуу келип түшкөн.
Акыйкатчы институту Кыргызстанда жүргөн чет элдик жарандарга да колдоо көрсөтөт. 2025-жылы Түркиянын жарандарынан 3 кайрылуу келип түшкөн, ошондой эле Афганистан, Пакистан, Ливия, Чехия, Германия жана Египеттин жарандарында да укуктук жардам көрсөтүлгөн.
Институттун кызматкерлери ар кандай мекемелерде 811 мониторинг жүргүзүштү: 328 — эркинен ажыратуу жайларында, 90 — аскердик бөлүктөрдө, 48 — стационардык социалдык мекемелерде, 133 — билим берүү мекемелеринде жана 54 — медициналык мекемелерде.
Кайрылууларды карап чыгуу натыйжасында 141 жооптук акт мамлекеттик органдарга жөнөтүлдү, алардын 122си аткарылган.
Жооптук акт — укук бузууларды аныктоо учурунда алардын жоюлушу жана күнөөлүүлөрдү жоопкерчиликке тартуу үчүн берилген расмий документ.
Эң көп актылар ден соолук, билим берүү, укук коргоо органдарына жана жергиликтүү өз алдынча башкаруу органдарына жөнөтүлгөн.
Натыйжада 109 кызмат адамы жана мамлекеттик мекемелердин кызматкерлери дисциплинардык жоопкерчиликке тартылган, алардын арасында 15 укук коргоо органынын кызматкери бар.
Жамиля Джаманбаева адам укуктары жана эркиндиктерин сактоонун мамлекеттин туруктуулугу жана өнүгүүсү үчүн маанилүүлүгүн баса белгилеп, мамлекеттик органдарды бул тармакта активдүү кызматташууга чакырат.
