3-февралда видеоконференция форматында Европалык Союздун санкциялар боюнча атайын өкүлү Дэвид О’Салливандын Кыргызстандын өкмөт башчысынын биринчи орун басары Данияр Амангельдиев менен жолугушуусу өттү, деп билдирет өкмөттүн басма сөз кызматы.
Переговорлордун жүрүшүндө тараптар санкциялар менен байланышкан маселелер жана финансылык-экономикалык кызматташтык боюнча конструктивдүү диалогду улантууга кызыктар экенин билдиришти.
Кызматташтыкта туруктуулукту жана алдын ала болжолдоону камсыз кылуу үчүн санкциялык тобокелдиктерди минималдаштырууга багытталган туруктуу консультациялар өткөрүү боюнча макулдашууга жетишилди.
Дэвид О’Салливандын Кыргыз Республикасына 2026-жылдын 26-февралында боло турган визити пландалууда, ал жерде жогоруда аталган темаларды талкуулоо улантылат.
