Анын айтымында, курулуш процесси беш жылдан бери уланууда жана жергиликтүү тургундарды жумуштун мөөнөттөрү жана көлөмү тууралуу маалымдоонун зарылдыгы бар. Бул трасса Тон жана Жети-Огуз райондорунун ортосундагы транспорттук байланыш үчүн маанилүү болуп саналат.
«Эгер жол туристтик сезон башталгандан мурун бүтсө, абдан жакшы болот. Соңку жылдары биз Ысык-Көлдүн түштүк тарабында туристтердин агымынын азайышын байкап жатабыз, жана булардын негизги себептеринин бири — автожолдун абалы», — деп белгиледи Жунушбаева.
Транспорт министринин орун басары Бекназар Базаралиев Балыкчы—Барскоон участогундагы иштер 2021-жылы башталганын айтты. Ал, отандык компаниялар тарабынан жүргүзүлүп жаткан курулуш иштеринин 50% жакын бүткөрүлгөнүн маалымдады.
«Курулуш 2026-жылдын 30-августуна чейин аяктайт деп күтүлүүдө. Учурда автожолдун бардык участкаларында иштер жүрүүдө», — деп кошумчалады Базаралиев.
