Кастомдук контролдун жүрүшүндө эл аралык стандарт ISO жана ЕЭКтин №74 чечимине ылайык, VIN-номери боюнча онунчу символ («M») унаанын чыгарылган жылын 2021 жыл деп көрсөтөт. Бирок, Кыргыз Республикасынын Юстиция министрлигинин Соттук-эксперттик кызматынын корутундусуна ылайык, бул транспорт каражатынын чыныгы чыгарылган күнү – 2015 жыл. Бул туура эмес декларациялоонун натыйжасында мамлекетке 2 484 898 сом өлчөмүндө зыян келтирилген.
Бул окуя Бирдиктүү кылмыштар реестрине катталды, ал эми иштин материалдары укуктук анализ үчүн ГТСтин Тергөө башкармалыгына жөнөтүлдү. Жүргүзүлгөн иш-чаралардын натыйжасында республикалык бюджеттен 2 484 898 сом өндүрүлдү.
