Жогорку Кенештин агрардык маселелер, суу ресурстары, экология жана айлана-чөйрөнү коргоо боюнча комитетинин жыйынында ЧСЖ министринин орун басары Эрнест Жусупов өлкөдөгү аба сапатынын учурдагы мониторингинин жыйынтыктары тууралуу маалымдады. Ал «Кыргызгидромет» Бишкек, Ош, Кара-Балта, Токмок жана Чолпон-Ата сыяктуу бир нече шаарларда байкоо жүргүзүп жатканын белгиледи.
Бул калктуу жерлерде 14 стационардык пост жана бир автоматташтырылган станция иштеп жатат, бул атмосфералык абанын абалын натыйжалуу көзөмөлдөөгө мүмкүндүк берет.
Мындан тышкары, Бишкекте жана Аламедин менен Ысык-Ата райондорунда 50 автоматташтырылган датчик орнотулган, алар булгануу боюнча маалыматтарды каттап турат. Мониторингдин маалыматы боюнча, айрым күндөрдө булгануу заттарынын орточо суткалык нормалары 12 эсе ашып кеткен учурлар болгон.
