Транспорт жана байланыш министринин биринчи орун басары Бекназар Базаралиев министрлик тарабынан бекитилген план толук көлөмдө аткарылганын билдирди. Ал башында 2025-жылдын башына чейин 1 092 км жолду асфальттоо пландалганын, бирок учурдагы жылдын аягына чейин фактически 1 606 км жолдо иштер жүргүзүлгөнүн, анын ичинен 1 545 км асфальтталганын белгиледи.
Учурда өлкөдө жол курулушуна байланыштуу 13 маанилүү инфраструктуралык долбоорлор ишке ашырылууда.
Суроолорду талкуулоонун жүрүшүндө депутаттар жол курулушунун сапатына байланыштуу тынчсыздануусун билдиришти. Депутат Исманали Жороев көптөгөн долбоорлор кредиттик каражаттар менен каржыланганын, бул болсо иштердин аткарылышын көзөмөлдөөнү күчөтүүнү талап кылат деп баса белгиледи.
Депутат Суйунбек Омурзаков Мырзаке—Кара-Кулжа—Алайкуу жолун асфальттоо маселесин республикалык бюджеттин алкагында карап чыгуу керектигин кошумчалады.
Талкуунун натыйжасында Транспорт жана байланыш министрлиги тарабынан сунушталган маалымат кабыл алынды.
