Документ атомдук энергетиканы киргизүү үчүн үч негизги этапты аныктайт:
1. Илимий изилдөө (2026-жылдын 30-ноябрына чейин)
Бул этаптын алкагында атомдук энергетиканын потенциалын жана анын туруктуу жана аз көмүртектүү энергия камсыздоосуна кошкон салымын изилдөөгө багытталган изилдөө жүргүзүлөт.
Кичинекей модулдук реакторлорду колдонуу мүмкүнчүлүгүн эске алган комплексдүү изилдөө жүргүзүү пландалууда. Бул изилдөө коопсуздук, климаттык жана сейсмикалык коркунучтарга туруктуулукту баалоону, ошондой эле коомчулукту тартуу менен атомдук энергетиканы өнүктүрүү концепциясы үчүн илимий сунуштарды иштеп чыгууну камтыйт.
Натыйжада атомдук секторду өнүктүрүү боюнча кийинки кадамдарды аныктаган негизделген илимий сунуштар даярдалат.
- Ишке ашыруучулар: Энергетика министрлиги, Табият министрлиги жана Улуттук илимдер академиясы.
- Каржылоо: Республика бюджети жана эл аралык өнөктөштөр.
2. МАГАТЭ методологиясы боюнча баалоо (2026-жылдын 30-октябрына чейин)
Бул этаптын алкагында Кыргызстанды атомдук энергетиканы киргизүүгө даярдыгын МАГАТЭ методологиясынын 19 багыты боюнча улуттук баалоо жүргүзүлөт. Бул өлкөнүн даярдыгын баалоо жана иш-аракеттердин деталдуу планын иштеп чыгуу боюнча иштерди баштоого мүмкүнчүлүк берет.
- Ишке ашыруучулар: Энергетика министрлиги, Табият министрлиги, Кыргыз Республикасынын Улуттук илимдер академиясы жана Чукул кырдаалдар министрлиги.
- Каржылоо: Республика бюджети жана эл аралык өнөктөштөр.
3. Билим берүү борбору (2026-жылдын 30-ноябрына чейин)
Атомдук энергетика боюнча адистерди даярдоо үчүн билим берүү борборун түзүү пландалууда. Бул процесс үчүн эл аралык эксперттер тартылып, окуу программасы иштелип чыгат жана керектүү инфраструктураны түзүү боюнча иштер башталат.
- Ишке ашыруучулар: Энергетика министрлиги жана илим, жогорку билим берүү жана инновациялар министрлиги.
- Каржылоо: Бюджеттик каражаттар, эл аралык өнөктөштөр жана жеке инвестициялар.
