Профессор Тогрул Исмаил, саясатчы жана эл аралык мамилелер боюнча эксперт, ошондой эле Түркиянын Кахраманмараш университетинин саясий тарых кафедрасынын башчысы, «Кабар» агенттигине президент Садыр Жапаровдун кызматка киришкенден бери жүргүзгөн саясаты тууралуу ойлорун билдирди.
Исмаил Кыргызстанда учурда социалдык жана экономикалык долбоорлорду ишке ашырууга басым жасалып жатканын белгиледи. Ал ошондой эле Жапаровдун президенттиги учурунда өлкөнүн тышкы саясаттык байланыштарынын саны кыйла көбөйгөнүн кошумчалады.
«Кыргызстандагы социалдык-экономикалык тармакка өзгөчө көңүл бурулууда. Соңку жылдарда инфраструктуралык долбоорлорду активдүү ишке ашыруу, региондорду өнүктүрүү жана социалдык төлөмдөрдү жогорулатуу байкалууда. Мындан тышкары, бюджеттик каражаттарды эффективдүү пайдалануу боюнча көзөмөл күчөтүлдү», — деп баса белгиледи эксперт.
Исмаилдин пикири боюнча, Садыр Жапаровдун президенттик мөөнөтүн мамлекеттүүлүктүн негиздерин бекемдөө жана жаңы өнүгүү жолдорун издөө мезгили катары мүнөздөсө болот. Кыргызстанга жетишилген туруктуулукту институттар аркылуу улантуу, ошол эле учурда социалдык колдоо жана тышкы саясатта ийкемдүүлүктү камсыздоо маанилүү. Ишке ашырылып жаткан реформалар өлкөдөгү эффективдүү башкаруунун зарылдыгын баса белгилейт.
Тышкы саясатка келсек, Жапаровдун жетекчилиги астында Кыргызстан өзүн көз карандысыз мамлекет катары көрсөттү. Азербайжан, Түркия жана Борбордук Азия мамлекеттери сыяктуу түрк мамлекеттери менен кызматташтыктын жогорулашы Бишкектин эл аралык өз ара аракеттенүүсүн күчөтүүгө жана көп векторлуу дипломатия үчүн мүмкүнчүлүктөрдү кеңейтүүгө жардам берди. Эксперттин айтымында, бул өлкөнүн узак мөөнөттүү кызыкчылыктарына жооп берет», — деп кошумчалады ал.
