Жогорку Кенештин жыйынында парламенттин спикери Нурланбек Тургунбек уулу жаңы гимндын варианттарын талкуулоонун жыйынтыктарын бөлүштү. Ал сунушталган чыгармалардын эч бири күтүүлөргө жооп бербестигин билдирди.
«Кечээ комитеттин жыйынында бардык варианттар угулду, жана алардын эч бири канааттандырарлык болгон жок», — деп белгиледи ал.
Спикер бул демилгени ишке ашыруунун негизги максаты азыркы гимнды алмаштыруу эмес, бардык жарандарга — балдардан баштап кары адамдарга чейин түшүнүктүү жана жеткиликтүү жаңы гимн түзүү экенин баса белгиледи.
Нурланбек Тургунбек уулу ошондой эле сунушталган мелодиялардын көбү марштык мүнөзгө ээ экенин кошумчалады.
«Гимн эркин угулушу керек. Биз совет мезгилинен калган марштык салттардан алысташыбыз керек», — деп акцент жасады ал.
Спикер жаңы гимнды түзүү боюнча конкурс уланарын жана ага каалагандар катыша аларын билдирди. Мындан тышкары, өлкө президенти менен биргеликте бул конкурстун катышуучулары үчүн атайын сыйлыктар каралган.
