Жогорку Кенештин жыйынында депутат Дастан Джумабеков мигранттарга байланыштуу актуалдуу теманы көтөрдү.
Ал Россияда иштеген жарандардан көптөгөн кайрылуулар келип жатканын белгиледи.
«Мигранттар өздөрүнүн укуктарынын бузулганы жана туш болгон көйгөйлөр тууралуу билдиришүүдө. Мындан тышкары, биздин өлкөнүн тигүүчүлөрү Россия менен чек арада жүктөрүнүн кечигип жатканына нааразычылык билдиришүүдө, бул товарлардын өтпөй калуусуна алып келет», - деди ал. Депутат бул маселелерди талкуулоо үчүн Москвага мамлекеттик Дума төрагасы Вячеслав Володин жана Федерация кеңешинин төрайымы Валентина Матвиенко менен расмий сапар уюштурууну сунуштады.
Спикер Нурланбек Тургунбек уулу болсо Валентина Матвиенко жана Вячеслав Володинден расмий сапар үчүн чакыруу алганын билдирди.
«Биз быйылкы жылдын март айынын үчүнчү декадасына барып, пайда болгон көйгөйлөрдү талкуулоону пландап жатабыз», - деп кошумчалады ал.
