Кыргыз Республикасынын президентинин алдындагы инвестициялар боюнча улуттук агенттик аталган келишимди ишке ашыруу үчүн ыйгарым укуктуу орган болуп дайындалды.
Келишим рамкалык мүнөзгө ээ жана түз чет элдик инвестицияларды тартуу үчүн туруктуу юридикалык негизди түзүүгө багытталган.
Документ инвесторлорду коргоо үчүн эл аралык-укуктук кепилдиктерди камтыйт, мисалы, милдеттүү компенсация менен мажбурлап тартып алуудан коргоо, инвестициялар үчүн адилеттүү жана тең укуктуу режимди камсыз кылуу, ошондой эле эл аралык арбитражга жеткиликтүүлүк.
Министрлер кабинетинде аталган келишимди ишке ашыруу Кыргызстандын жана Италиянын ортосундагы капиталдык инвестицияларды көбөйтүүгө жана эки тараптуу экономикалык кызматташтыкты өнүктүрүүгө көмөктөшөт деп белгилешет. Долбоор Жогорку Кеңештин тиешелүү комитеттери менен алдын ала макулдашылган жана Кыргыз Республикасынын Конституциясына жана күчүндө болгон мыйзамдарга ылайык келет.
Өкмөттүн пикири боюнча, келишимди ратификациялоо кошумча финансылык, экономикалык, социалдык же юридикалык кесепеттерге алып келбейт.
