Ысык-Көл облусунда Кыргызстандын энергетика министри Таалайбек Ибраев жаңылануучу энергия булактары менен алектенген компаниялардын өкүлдөрү менен бир катар жолугушуулар өткөрдү.
Энергетика министрлиги берген маалыматка ылайык, министр Тору-Айгыр айылында «Юнигрин» компаниясы тарабынан курулуп жаткан күн электр станциясынын курулуш процессине таанышып чыкты. Компаниянын техникалык директору Тимурлан Кадинов учурдагы иштер жана келечектеги пландар тууралуу маалымдады, курулуш иштеринин активдүү жүрүп жатканын белгиледи.
Азыркы учурда төмөнкү этаптар аткарылды:
• Участкаларды пландоо – 80%;
• Тосмолорду орнотуу – 95%;
• Биринчи кезектеги опордук конструкцияларды жеткирүү – 50%;
• Биринчи кезектеги опордук конструкцияларга свайларды уруп киргизүү – 6%;
• Сел коргоо курулмаларын монтаждоо, анын ичинде суу өткөргүч канал жана дренаждык көлмөлөр – 50%;
• 220 кВ ЛЭП опоролору үчүн котловандарды даярдоо – 40%;
• Опоролорду чогултуу процессинде.
100 МВт кубаттуулуктагы күн электр станциясын ишке киргизүү 2026-жылдын 31-августуна пландалган.
Мындан тышкары, министр Ибраев «РЭЦА» компаниясы тарабынан ишке ашырылып жаткан башка күн электр станциясынын долбоорун текшерди. Долбоордун директору Фам Минь Баг жана курулуш аянтчасынын жетекчиси Нгуен Минь Туан менен болгон жолугушууда ал учурдагы иштердин статусу тууралуу маалымат алды. Алардын айтымында, учурда 17 МВт кубаттуулуктагы күн электр станциясынын жалпы курулуш иштеринин 10% аткарылган.
Учурда жумушчулар үчүн убактылуу турак жай курулушу аяктады, подстанциянын фундаментин куюу жана 110 кВ электр өткөргүч линиясынын 50%ы тартылды. Долбоордун биринчи фазасынын жалпы кубаттуулугу 175 МВт болгон курулушу 2026-жылдын биринчи жарымында аяктайт деп күтүлүүдө.
Энергетика министри компаниянын жетекчилигине иштердин сапаты жана ылдамдыгын күчөтүүнү сунуштап, белгиленген мөөнөттөргө ылайык келүүнүн маанилүүлүгүн баса белгиледи.
