Жолугушууда Кыргызстандагы алыскы жана тоолуу аймактарда долбоорлорду ишке ашыруу менен күн энергиясы тармагындагы кызматташтык мүмкүнчүлүктөрү талкууланды.
Нацагенттиктин маалыматына ылайык, жаңылануучу энергия булактарын өнүктүрүү менен байланышкан конкреттүү энергетикалык долбоорлорго көңүл бурулду.
Vantagion Terra Group Limited компаниясы жаңылануучу энергия тармагында долбоорлорду ишке ашырууга, анын ичинде күн жана шамал электр станцияларын куруу жана эксплуатациялоого адистешкен.
Жолугушуунун жыйынтыгында тараптар жашыл энергия тармагындагы кызматташтыктын мүмкүн болгон форматтарын дагы талкуулоого макулдашышты.
Маалымат: Vantagion Terra Group Limited — Гонконгдо катталган жеке инвестициялык-девелопердик компания. Ачык каттоо маалыматтарына ылайык, компания салыштырмалуу жакында катталган (маалымат эл аралык бизнес каталогдорунда жеткиликтүү). Азыркы учурда анын ишке ашырган долбоорлору, финансылык көрсөткүчтөрү же ишмердүүлүк тарыхы боюнча коомчулукка жеткиликтүү маалымат жок. Компаниянын сүрөттөлүштөрүндө ал инвестициялык жана девелопердик ишмердүүлүктүн катышуучусу катары, анын ичинде жаңылануучу энергия тармагындагы долбоорлорду камтыйт.
