Жолугушууда статистика тармагындагы эки тараптуу кызматташтыкка байланыштуу негизги маселелер талкууланды. Айрыкча, тажрыйба алмашуу жана биргелешкен аракеттер аркылуу статистикалык практикаларды жакшыртууга колдоо көрсөтүүгө басым жасалды.
Бактыбек Кудайбергенов Нацстаткомдун британ статистикалык органдары менен узак мөөнөттүү жана натыйжалуу мамилелери түзүлгөнүн, айрыкча Туруктуу өнүгүү максаттары жана башка актуалдуу багыттар контекстинде белгиледи.
"Биз Улуу Британиянын маалымат технологияларын колдонуу боюнча тажрыйбасын үйрөнүүгө, ошондой эле расмий маалыматтарды өндүрүүнүн натыйжалуу ыкмаларына кызыкдарбыз. Биз үчүн бизнес-процесстерди оптималдаштыруу, административдик маалыматтарды колдонуу, электрондук соода жана туризм тармагындагы статистиканы өнүктүрүү, ошондой эле улуттук эсеп системасын жакшыртуу маанилүү", — деп белгиледи Нацстаткомдун төрагасы.
