Жиында терини иштетүү жана бут кийим өнөр жайы боюнча биргелешкен иштешүүнүн келечеги талкууланды. Катышуучулар Кыргызстандан Өзбекстан рыногуна иштетилбеген жана жарым-жартылай иштетилген терилерди жеткирүү маселелерин карашты.
«Узчармсаноат» ассоциациясы Кыргызстандан сырьени илгерилетүүгө кызыгуусун билдирип, практикалык кызматташууга даяр экенин айтты. Ошондой эле Кыргыз Республикасында биргелешкен ишканаларды түзүү темасы көтөрүлдү.
Переговорлордун жыйынтыгы боюнча тараптар «Узчармсаноат» ассоциациясынын, профилдик мамлекеттик органдардын жана Кыргызстандагы ишканалардын өкүлдөрүнүн катышуусунда видеоконференция өткөрүү боюнча макулдашышты. Онлайн-жиында Өзбекстанга терини экспорттоо жана жүндү кайра иштетүү боюнча маселелерди терең талкуулоо пландалууда.
Маалымат:
«Узчармсаноат» ассоциациясы Өзбекстандын терини иштетүү, териден жасалган буюмдар, жүн жана жүн өнөр жайы боюнча ишканаларды камтыйт жана бул тармакты өнүктүрүү, заманбап технологияларды киргизүү жана экспорттук потенциалды кеңейтүү менен алектенет.
