Ош обласындагы Р. Абдыкадыров атындагы филармония 2026-жылдын 13-24-январь күндөрү Индияда өтүүчү XI Эл аралык «Музыка жана бий» «Рамаяна» фестивалында Кыргызстанды танытты. Бул тууралуу филармониянын басма сөз кызматынан маалымдалды.
Индия өкмөтү тарабынан уюштурулган фестиваль ар түрдүү өлкөлөрдүн чыгармачылык топторун бириктирет. Кыргыз артисттери маданий элчилер катары көрүүчүлөрдү өз элинин бай тарыхый жана руханий мурасы менен тааныштырат.
Фестивалдын алкагында улуттук кийимдер, байыркы музыкалык аспаптар жана «Манас» улуу эпосуна негизделген жаркын көрсөтүүлөр көрсөтүлдү. Кыргыз топторунун чыгыштары көрүүчүлөрдүн чоң көңүлүн бурду жана эл аралык коомчулуктан жогорку баа алды.
Кыргызстандык филармониялык топтордун «Рамаяна» фестивалында катышуусу жакшы салтка айланды. Мисалы, 2025-жылдын октябрь айында Жалал-Абад обласындагы «Мөлмөл» элдик оркестри Индияда IX Эл аралык элдик фольклордук аспаптар фестивалында өлкөнү ийгиликтүү танытты.
